Բելգիայի Սեն-Պիեռ հիվանդանոցի բուժաշխատողները բողոքի ակցիա են իրականացրել` հանդես գալով առանց հավելավճարի արտաժամյա աշխատանքի դեմ։
Բողոքի ակցիայի մասնակիցները շարք են կանգնել հիվանդանոցի մոտ, և երբ շենքին մոտեցել է Բելգիայի վարչապետ Սոֆի Վիլմեսի ավտոշարասյունը, նրանք մեջքով շրջվել են դեպի վարչապետը։
Բողոքի ակցիային մասնակցել է ընդհանուր առմամբ 120 բժիշկ, բուժքույր և «Շտապօգնության» աշխատակից։
Համաշխարհային վիճակագրության Worldometer կայքի տվյալներով՝ կորոնավիրուսի տարածման ցուցանիշներով Բելգիան 15-րդ տեղն է զբաղեցնում։ Մայիսի 18-ի դրությամբ եվրոպական այդ երկրում հայտնաբերվել է վարակման 55 559 դեպք, մահերի թիվը 9 080 է։