ԵՐԵՎԱՆ, 18 մայիսի – Sputnik. Անցած գիշեր, ժամը 22։30-ի սահմաններում Երևանի Ժակ Իվ Կուստոյի փողոցում՝ Թոխմախի լճի մոտակայքում, տեղի է ունեցել ՃՏՊ, ավտոմեքենան շրջվել է, կան տուժածներ, հայտնում է ԱԻՆ մամուլի ծառայությունը։
Ահազանգով դեպքի վայր մեկնած փրկարարները պարզվել են, որ Mitsubishi մակնիշի ավտոմեքենան դուրս է եկել երթևեկելի հատվածից, բախվել էլեկտրական սյանը, արգելապատնեշին և շրջվել՝ վնասելով էլեկտրական սյունը և արգելապատնեշը՝ մասամբ։
Փրկարարները հոսանքազրկել են ավտոմեքենան և փակել գազի բալոնի փականը։
Ավտոմեքենայի վարորդը՝ 25- ամյա Գուրգեն Զ-ն և ուղևորը՝ 19-ամյա Ռիտա Ի․-ն հոսպիտալացվել են «Էրեբունի» ԲԿ։