ԵՐԵՎԱՆ, 17 մայիսի – Sputnik. Ամերիկացի ռեփեր Քանյե Ուեսթի նախկին թիկնապահ Սթիվ Ստանուլիսը Insider պարբերականին պատմել է աստղի քմահաճույքների մասին, որոնք իրեն հունից հանում էին և խանգարում աշխատել։
Թիկնապահը պնդում է, որ ռեփերի հետ համագործակցությունն ամենադժվարն էր իր կարիերայում, քանի որ Քանյեն ոչ միայն պահանջկոտ էր, այլև շատ քմահաճ։ Ստանուլիսի խոսքով՝ Ուեսթը պահանջում էր, որ ինքը հեռու մնա, երբ պապարացիները լուսանկարում են իրեն, ինչը թիկնապահն անհեթեթ է համարել։ Բացի այդ, ըստ Ստանուլիսի, Քանյեն բավականին ժլատ է եղել թեյավճարների հարցում։
«Մենք չպետք է ընկերներ լինեինք, սակայն նա պետք է հասկանար, որ ես պետք է պաշտպանեմ իրեն։ Եթե ես պետք է նրան ինձնով պաշտպանեմ, ապա գոնե փոքր–ինչ հարգանք ակնկալելու իրավունք ունեմ», – հայտարարել է ռեփերի նախկին աշխատակիցը։
Անչափ հուզիչ էր. Քիմ Քարդաշյանի և Քանյեի դուստրը նորաձևության մրցույթում ռեփ է կարդացել
Ավելի վաղ Forbes ամսագիրը ամերիկացի ռեփեր Քանյե Ուեսթին միլիարդատեր էր ճանաչել` գնահատելով նրա կարողությունը 1.3 մլրդ դոլար։ Այդ գումարի մեծ մասը` 1.26 միլիարդը, երգիչը վաստակել է իր` «Yeezy» ապրանքանիշի շնորհիվ։
Աստղային դուետ. Քիմ Քարդաշյանի ավագ դուստրը երգել է ռեփեր հոր հետ. տեսանյութ