ԵՐԵՎԱՆ, 15 մայիսի – Sputnik․ Ադոլֆ Հիտլերը 1944 թ․-ի հոկտեմբերին հավանություն էր տվել օկուպացված Դանիայում հեծանիվների բռնագրավման մասին որոշմանը։ Տեղեկությունը գրում է CPH Post-ը։
Հետազոտողների տվյալներով՝ դա Երկրորդ համաշխարհային պատերազմի տարիներին հազվագյուտ դեպքերից մեկն էր, երբ Հիտլերն անմիջականորեն մասնակցել է Դանիայի կառավարմանը: Նման որոշումը զայրացրել էր դանիացիներին, նրանք սկսել են ընդհատակյա թերթեր թողարկել, որոնք ծաղրում էին գերմանացիներին և հեծանիվները Հիտլերի գաղտնի զենք էին անվանում:
Հետազոտական աշխատանքի ղեկավար Ջոն Լաուրիդսենի խոսքով ՝ հեծանիվների բռնագրավումը Հիտլերի հանցագործությունների ցուցակում աննշան դրվագ է թվում, սակայն այդ դրվագը մերկացնում է իշխանության համար գերմանական օկուպացիոն ուժերում ընթացող ներքին պայքարը:
Դանիայի գերմանական զորքերի հրամանատարն այն ժամանակ Գերման ֆոն Հաննեկենն էր, գեստապոյի դանիական մասնաճյուղը ղեկավարում էր «ԷսԷս»-ի օբերգրուպֆյուրեր Գյունտեր Պանկեն, իսկ կայսերական հավատարմատարի կարգավիճակով Գերմանիայից Դանիա էր ուղարկվել Վերներ Բեստը։
Ինչպես Հիտլերի գլոբուսը հայտնվեց հայի ձեռքում. նացիստները հույս ունեին հե՞տ պտտել ժամանակը
Լաուրիդսենը կարծում է, որ նրանցից յուրաքանչյուրն իր նպատակներն ու ուներ և իշխանության հասնելու իր ձևերն էր կիրառում։ Հաննեկենն ու Պանկեն կոշտ քաղաքականության կողմնակից էին, մինչդեռ Բեստը վախենում էր, որ դանիացիների հեծանիվները բռնագրավելու դեպքում անկարգություններ կսկսվեն։ Հենց նա է համոզել Հիտլերին՝ կրճատել տրանսպորտային միջոցների առգրավման ծավալը, որը Դանիայում համարում են հեծանիվների խոշորագույն գողությունը երկրի պատմության մեջ:
Ինչն է խանգարել Բաբաջանյանին, որ գերի վերցնի Հիտլերին
Պատմաբանների խոսքով ՝ օկուպացված Դանիայում հեծանիվները կարևոր փոխադրամիջոց էին․ պատերազմի տարիներին, երբ վառելիքը չէր հերիքում, դրանք փոխարինում էին ավտոմեքենաներին։