ԵԱՏՄ գագաթնաժողովը ծրագրվել էր անցկացնել մայիսի 19-ին` Մինսկում, սակայն կորոնավիրուսի համավարակի պատճառով մի շարք երկրներ փակել են իրենց սահմաններն ու կարանտինային միջոցներ ձեռնարկել։
«Թու, թու, թու». Լուկաշենկոն կորոնավիրուսի թեմայով Փաշինյանի նման է կատակել. տեսանյութ
Ալեքսանդր Մարկարովի կարծիքով` Բելառուսի նախագահի առաջարկն, ամենայն հավանականությամբ, պայմանավորված է այն տրամաբանությամբ, որով նա առաջնորդվում է վերջին ամիսների ընթացքում` ցուցաբերելով համապատասխան մոտեցում «COVID-19»–ի պայմաններում տեղի ունեցող իրադարձություններին։
«Օրինակ` մայիսի 9-ի շքերթը, որը կազմակերպվեց Մինսկում, նման վարքագծի ցուցիչներից մեկն է։ Բելառուսում մտածում են, վստահ են, որ հենց այդպես անհրաժեշտ է, նպատակահարմար է դիմավորել կորոնավիրուսի հետ ասոցացվող մարտահրավերները։ Եվ եթե մոտացումն այդպիսին է, ապա Բելառուսի նախագահը երևի վստահ է, որ Մինսկում կարելի է անցկացնել ԵԱՏՄ հերթական գագաթնաժողովն այն ձևաչափով, ինչ համավարակից առաջ էր»,–նշում է քաղաքագետը։
Մարկարովը ենթադրում է, որ հիմնական հարցերը կարելի է քննարկել տեսակապի միջոցով, իսկ եթե գագաթնաժողովի շրջանակներում կա երկրների ղեկավարների առանձին հանդիպումների անհրաժեշտություն, ապա դա կարելի է անել փակ խողովակների միջոցով կամ հետաձգել հարցերի քննարկումն այնքան ժամանակ, մինչև հնարավոր լինի առանց մտավախության անցկացնել փակ քննարկումներ` վստահ լինելով, որ տեղի չի ունենա տեղեկատվության արտահոսք։
«Լուկաշենկոյի պահվածքն ադեկվատ չէ, նա փորձում է դեմ գնալ համաշխարհային թրենդին»․ Բոզոյան
Քաղաքագետի դիտարկմամբ` գլոբալ խնդիրը պայքարն է համավարակի դեմ, և այդ առումով իրականացվող գործողությունները ներկայացնում են հանրային հետաքրրքություն, հետևաբար, Ալեքսանդր Մարկարովը չի կարծում, որ տվյալ հարցի քննարկումը չի կարող ունենալ այլ ձևաչափ։
Ըստ նրա`թեև ԵԱՏՄ երկրները փորձում են համագործակցության միջոցով, համատեղ ուժերով պայքարել համավարակի դեմ, սակայն իրենց առջև ծառացած խնդիրները լուծում են առանձին–առանձին, որպեսզի համավարակը չտարածվի իրենց ներսում և դուրս չգա երկրների սահմաններից։
«Իսկ «բատկան» տրակտորով ու օղիով է բուժում»․ Լուկաշենկոն նախատել է «լեզվին տվող» ռուսներին