ԵՐԵՎԱՆ, 14 մայիսի — Sputnik. Ոստիկանությունը տեղեկացնում է, որ Հայաստանի ոստիկանները պարզել են Իրանի Ինտերպոլի կողմից փնտրվող երեխաների գտնվելու վայրը։
«Ապրիլի 7-ին ՀՀ-ում Ինտերպոլի Ազգային կենտրոնական բյուրոյից ՀՀ ոստիկանություն գրություն էր ստացվել, որ Իրանի Ինտերպոլի ԱԿԲ-ի կողմից, որպես անհայտ կորած, միջազգային հետախուզում է իրականացվում ԻԻՀ 13 և 5 տարեկան երկու քաղաքացիների նկատմամբ»,–նշված է ոստիկանության հաղորդագրության մեջ։
Ոստիկանության ձեռնարկած օպերատիվ-հետախուզական միջոցառումների շնորհիվ պարզվել է, որ երեխաներն իրենց մոր հետ բնակվում են Երևանի Մոլդովական փողոցի շենքերից մեկում։ Նրանք ունեն Միգրացիոն ծառայության կողմից տրամադրված ապաստան հայցողի վկայականներ:
Հայտնաբերման մասին տեղեկացվել է ՀՀ ոստիկանության Ինտերպոլի ԱԿԲ:
Վաճառվում է երիկամ. հայաստանցու քրեական բիզնեսը` արտերկրում. տեսանյութ