ԵՐԵՎԱՆ, 14 մայիսի – Sputnik. Այսօր ԱԺ-ում արտակարգ դրության երկարաձգման հարցով հրավիրված արտահերթ նիստում ՀՀ փոխվարչապետ, պարետ Տիգրան Ավինյանը հայտնեց, որ մայիսի 18-ից Հայաստանում վերագործարկվող հանրային տրանսպորտից օգտվելու համար դիմակ կրելը պարտադիր պայման կլինի։
«Չի թույլատրվելու գերծանրաբեռնված տրանսպորտը։ Պարտադիր պայմաններ ու կանոններ են դրված նաև ախտահանման հետ կապված: Կա նաև վերահսկող մարմին»,- հայտնեց նա:
Սահմանված նոր կանոնները խախտելու դեպքում, Ավինյանի խոսքով, պատժամիջոցներ են կիրառվելու և՛ տրանսպորտը շահագործող ընկերությունների, և՛ սահմանված կանոնները չպահպանող քաղաքացիների նկատմամբ:
Պարետի սահմանած կանոնները խախտելու համար տուգանքների նվազագույն շեմը 50 000 դրամ է։
Ոստիկանությունը մայիսի 18-ից կանցնի բնականոն աշխատանքային ռեժիմի
Հիշեցնենք՝ ՀՀ կառավարության այսօրվա նիստում ընդունված որոշմամբ` մարտի 16-ից ՀՀ-ում հայտարարված արտակարգ դրության ժամկետը կերկարաձգվի ևս մեկ ամսով՝ մինչև հունիսի 13-ը` ժամը 17:00-ն ներառյալ:
Կառավարության ընդունած որոշումն այժմ քննարկվում է նաև ԱԺ արտահերթ նիստում:
Հայաստան-Ռուսաստան կանոնավոր չվերթերը կբացվեն. ինչ են պարտավոր անել Հայաստան եկածները