ԵՐԵՎԱՆ, 14 մայիսի – Sputnik. Բելառուսի նախագահ Ալեքսանդր Լուկաշենկոն Մոլդովայի նախագահ Իգոր Դոդոնի հետ տեսաբանակցությունների ժամանակ ասել է, որ Եվրասիական տնտեսական միության անդամ երկրների ղեկավարների գագաթնաժողովը կորոնավիրուսի համավարակի պատճառով կանցկացվի տեսակապի միջոցով։ Տեղեկությունը հայտնում է БЕЛТА-ն։
Լուկաշենկոն նշել է նաև, որ պատրաստ է ԵԱՏՄ գագաթնաժողովը կազմակերպել ցանկացած ձևաչափով` չբացառելով դեմառդեմ հանդիպումը:
Գագաթնաժողովը ծրագրվել էր անցկացնել մայիսի 19-ին Մինսկում, սակայն կորոնավիրուսի համավարակի պատճառով մի շարք երկրներ փակել են իրենց սահմաններն ու կարանտինային միջոցներ ձեռնարկել։
ԵԱՏՄ-ում կորոնավիրուսի կանխարգելման համալիր ծրագիր են մշակել
ԵԱՏՄ-ն Մաքսային միության և Միասնական տնտեսական տարածքի հիման վրա ստեղծված միջազգային ինտեգրացիոն տնտեսական միավորում է, որը գործում է 2015 թ-ի հունվարի 1-ից: Այժմ ԵԱՏՄ-ին անդամակցում են Ռուսաստանը, Հայաստանը, Բելառուսը, Ղազախստանը և Ղրղզստանը։
ԵԱՏՄ–ից մթերք արտահանելու սահմանափակումները հազիվ թե երկարաձգվեն. Քամալյան