ՀՀ մարդու իրավունքների պաշտպան Արման Թաթոյանը Facebook-ում տեսանյութ է հրապարակել այն մասին, թե ինչպես է իր աշխատակազմը դիմավորում իրեն ԱԺ-ի երկօրյա թեժ քննարկումներից հետո:
Տեսանյութում երևում է, որ աշխատակիցները Թաթոյանին սպասում են պաշտպանի գրասենյակի առաջին հարկի նախասրահում ու նրան են դիմավորում ծափահարություններով:
Թաթոյանը ևս չի մոռացել իր գրառման մեջ ընդգծել իր աշխատակիցների կատարած աշխատանքը:
«1200-ից ավել էջերի վրա շարադրված հաղորդումը և մեկ տասնյակից անցնող արտահերթ զեկույցները յուրաքանչյուր աշխատողի եռանդուն ու նվիրված աշխատանքի արդյունք են»,- գրել է նա։
Պաշտպանը նաև նշում է, որ Ազգային ժողովում Մարդու իրավունքների պաշտպանի տարեկան զեկույցի քննարկման ավարտը ազդարարում է աշխատանքային նոր տարվա սկիզբ։
Հիշեցնենք, մարտի 11-12-ին ՀՀ ԱԺ-ում քննարկվում էր Մարդու իրավունքների պաշտպանի գործունեության 2019 թ-ի տարեկան զեկույցը:
Թաթոյանը պատգամավորների «պորտը տեղը դրեց»
Երկօրյա քննարկումներն անցան բավական թեժ մթնոլորտում: Իշխանամետ «Իմ քայլը» խմբակցության պատգամավորներից շատերը Թաթոյանի հասցեին իրենց ելույթներում բավական կոշտ քննադատություններ հնչեցրեցին, որոնք ՄԻՊ-ը պատասխանեց իր ամփոփիչ ելույթում: