ԵՐԵՎԱՆ, 10 մայիսի - Sputnik. Կիրակի վաղ առավոտյան Երևանի Դավթաշեն թաղամասի կետրոնում իրենց համար զբոսնում, հանգստանում, խոտ էին ուտում 7 ձի։
Կենդանիների քաղաքային զբոսանքը տեսանկարահանել է «Արմքոմեդի» հեռուստահաղորդման հաղորդավար Սերգեյ Սարգսյանը։
«Դավթաշենում բնությունը էնքան ա մաքրվել, որ ձիերը վերադարձել են «կալցևո...»,- տեսանյութին կից գրել է նա։
Ձիերի տեսանյութն արագ տարածվել է համացանցում՝ բարձրացնելով օգտատերերի տրամադրությունն ու բազմաթիվ զվարճալի մեկնաբանությունների առիթ տալով։
«Քուռկիկ Ջալալիի թոռնե՞րն են»,-հարցրել է օգտատերերից մեկը։
«Հեսա հովազն էլ Ենոքավանից կիջնի»,- գրել է մեկ ուրիշը, մյուսն էլ ավելացրել է.
«Մնաց դելֆինները վերադառնան Թոխմախ գյոլ»։
Նշենք, որ ձիերն այնքան խաղաղ ու հանգիստ են իրենց համար հանգստանում քաղաքում, որ չեն էլ տեղաշարժվում, երբ Սերգեյ Սարգսյանը հեռախոսը ձեռքին խոսելով նրանց է մոտենում։ Ավելին` ձիերից մեկը նույնիսկ շատ հանգիստ ուղիղ ֆոտոխցիկին է նայում ու «ֆոտոգենիկ» դիրք ընդունում։
Հայաստանից 30 կապիկ կտեղափոխեն Ղազախստան. օրինական գործա՞րք, թե՞ ապօրինի առևտուր