ԵՐԵՎԱՆ, 7 մայիսի –Sputnik. Այսօր երեկոյան` ժամը 22:00-ի սահմաններում, արտակարգ դեպք է տեղի ունեցել Երևանում: Միջին տարիքի երկու տղամարդ, անցնելով «Հաղթանակ» կամրջի բազրիքը, սպառնացել են ցած նետվել: Նրանք հանդիպում են պահանջել ՀՀ վարչապետ Նիկոլ Փաշինյանի օգնական Նարեկ Սարգսյանի հետ:
Դեպքի վայր են ժամանել ոստիկաններ, փրկարարներ, ինչպես նաև ՀՀ կառավարության նամակների և դիմումների բաժնի պետ Ա. Ղազարյանը:
Sputnik Արմենիայի աղբյուրները հայտնեցին, որ շուրջ 1 ժամ հավաքվածները բանակցել են քաղաքացիների հետ: Արդյունքում նրանց հաջողվել է համոզել հետ կանգնել կամրջից նետվելու մտադրությունից:
Մեր տեղեկություններով` տղամարդկանցից մեկին ոստիկանության ավտոմեքենայով տարել են ոստիկանություն, իսկ մյուսը տուն է գնացել: