ԵՐԵՎԱՆ, 6 մայիսի – Sputnik. Երևան քաղաքի Էրեբունի-Աթոյան, Դավիթ Բեկ-Հունան Ավետիսյան փողոցների և Աճառյան փողոց-Աճառյան 2-րդ փակուղի խաչմերուկներում տեսանկարահանող սարքեր են տեղադրվել:
Ճանապարհային ոստիկանությունը տեղեկացնում է, որ սարքերը տեղադրել են`հաշվի առնելով ճանապարհային երթևեկության անվտանգության ապահովման բնագավառի օրենսդրության պահանջների խախտումների մեծաքանակ լինելը, որոնք խցանումների և վթարային իրադրության առաջացման պատճառ են հանդիսանում։
Տեսանկարահանող սարքերը գործարկվելու են 2020 թվականի մայիսի 18-ից:
Ճանապարհային ոստիկանությունը հորդորում է վարորդներին պահպանել ճանապարհային երթևեկության կանոնները:
Կնկարենք ծանոթ-անծանոթների խախտումները. ոստիկանությունը որոշել է՝ ինչպես է դա արվելու