ԵՐԵՎԱՆ, 6 մայիսի - Sputnik. Մայիսի 5-ի լուսադեմին, «Մասիս» բժշկական կենտրոնի շտապօգնության խումբը դուրս է եկել կանչի և տեղ հասնելուն պես պարզել, որ հիվանդի մոտ սկսվել է ծննդաբերությունը, որն արդեն գտնվում է ակտիվ փուլում։
Շտապօգնության բժիշկ Աշոտ Առաքելյանը և բուժքույր` Յաննա Գաբրիելյանն իրենց չեն կորցրել և անհապաղ սկսել են ընդունել ծնունդը:
«Ծննդաբերությունը բարդ էր, վաղաժամ, առաջադրությունը` տոտիկային, ուստի ծննդօգնությանը միացել է նաև մեր մյուս բժիշկը՝ Դավիթը Գալստյանը, որը մասնագիտությամբ մանկաբարձ- գինեկոլոգ է: Ծնվել է հրաշք աղջնակ, բժիշկ Առաքելյանի կողմից կատարվել է ռեանիմացիոն գործողություններ, երեխայի և մոր վիճակը կայունացնելուց հետո իրականացվել է հոսպիտալացում»,- հայտնում է «Մասիս» ԲԿ Facebook-յան էջը:
Հիվանդանոցում թե՛ մոր, թե՛ պտղի վիճակը գնահատվել է բավարար:
Sputnik Արմենիան ևս միանում է գովեստի խոսքերին և շնորհակալություն հայտնում հայ բժիշկներին իրենց անձնվեր աշխատանքի և երդմանը հավատարիմ մնալու համար։
Մեր բժիշկները Հիպոկրատի երդման արժեքը գիտեն. ինչպես օգնենք նրանց դիմակայել կորոնավիրուսին