ԵՐԵՎԱՆ, 3 մայիսի – Sputnik. Ռուսաստանի վարչապետ Միխայիլ Միշուստինի մամուլի խոսնակ Բորիս Բելյակովը հայտնել է, որ Միխայիլ Միշուսինի «առողջական վիճակն ընդհանուր առմամբ նորմալ է»։ Տեղեկությունը հայտնում է ՌԻԱ Նովոստին։
ՌԴ վարչապետի ներկայացուցչի խոսքով՝ Միշուստինը բժիշկների հսկողության տակ է, շարունակում է հեռահար աշխատել ու հեռախոսով շփվել գործընկերների հետ։
«Միխայիլ Վլադիմիրովիչը շարունակում է մասնագետների վերահսկողության տակ մնալ և բուժում ստանալ։ Ինքնազգացողությունն ընդհանուր առմամբ նորմալ է», - լրագրողներին ասել է Բելյակովը։
Հիշեցնենք՝ ապրիլի 30-ին ՌԴ նախագահ Վլադիմիր Պուտինի հետ տեսակապի ժամանակ վարչապետը հայտնել էր, որ վարակվել է կորոնավիրուսով։ Միշուստինն ասել էր, որ ինքնամեկուսանալու է։ Նրա ժամանակավոր պաշտոնակատար է նշանակվել առաջին փոխվարչապետ Անդրեյ Բելոուսովը։