ԵՐԵՎԱՆ, 30 ապրիլի –Sputnik. Հայաստանի և Ռուսաստանի միջև կինեմատոգրաֆիայի գծով համագործակցությունն այնքան էլ սերտ չէ, որքան ԽՍՀՄ տարիներին։ Այս մասին այսօր հրավիրված առցանց ասուլիսում ասել է հայտնի ռեժիսոր և «Մոսֆիլմ» ռուսական կինոկոնցեռնի ղեկավար Կարեն Շահնազարովը։
«Մենք հայկական կինոյի հետ շատ մեծ կապեր չունենք։ ժամանակ առ ժամանակ հայ կինեմատոգրաֆիստներ են ժամանաում, աշխատում են մեզ մոտ։ Մենք նրանց միշտ օգնում ենք տեխնիկապես, քանի որ շատ լավ տեխնոլոգիական հիմք և ֆիլմի ստեղծման համար անհրաժեշտ հիանալի սարքավորումներ ունենք», – ասել է Շահնազարովը։
Ռեժիսորը ցավով է արձանագրում, որ վերջին շրջանում երկկողմ համագործակցությունը խորացնելու ուղղությամբ սկզբունքային քայլեր չեն ձեռնարկվում։
«Ցավոք, մենք այդքան սերտ կապեր չունենք, ինչպես ԽՍՀՄ տարիներին», – նշել է նա։
Հիշեցնենք, որ 2018 թվականի օգոստոսին, երբ դեռ Հայաստանի մշակույթի նախարարը Լիլիթ Մակունցն էր, Ռուսաստանի և Հայաստանի միջև հայ–ռուսական կինոֆոնդ ստեղծելու պայմանավորվածություն էր ձեռք բերվել։
Կարեն Շահնազարովը խոսել է Մոսֆիլմի հեռու գնացող ծրագրերի մասին