Երևանի Մյասնիկյան պողոտան է՝ դեպի Նոր Նորք և Ավան վարչական շրջաններ տանող ճանապարհը։ Շատերը գուցե չհավատան, բայց տեսանյութը նկարահանվել է այսօր՝ ժամը 20։00-ի սահմաններում։
Sputnik Արմենիայի թղթակիցը Մյասնիկյան պողոտայում արձանագրել է մի քանի տասնյակ մետր ձգվող խցանումը, որը ոչնչով չի տարբերվում ոչ կարանտինային օրերին բոլորիս կյանքում արդեն սովորական դարձած խցանումներից։
Դատելով մի քանի տասնյակ մետր ձգվող խցանումից՝ կարելի է ենթադրել, որ մեր հայրենակիցներին այնքան էլ չեն մտահոգում պարետատան սահմանափակումներն ու հորդորները։
«Առաջիկա 10 օրում պետք է բացվեն տնտեսական գործունեության բոլոր ոլորտները»․ Փաշինյան
Եվ սա այն դեպքում, երբ միայն այսօր՝ ապրիլի 30-ին, գրանցվել է կորոնավիրուսով վարակվելու 134 դեպք՝ առաջին դեպքից առ այսօր ամենաբարձր ցուցանիշը Հայաստանում։
Հիշեցնենք, որ այսօրվա դրությամբ Հայաստանում կորոնավիրուսով վարակվածների թիվը 2066–ն է։ Այս ընթացքում արդեն իսկ ունեցել ենք վարակից մահվան 32 դեպք։