ԵՐԵՎԱՆ, 28 ապրիլի - Sputnik. Այսօր՝ ապրիլի 28-ին, խոշոր ավտովթար է տեղի ունեցել Երևան-Սևան ճանապարհին՝ Ազգային ժողովի պատգամավոր, Հայաստանի ազգային օլիմպիական կոմիտեի նախագահ Գագիկ Ծառուկյանի տան դիմաց։
Shamshyan-com-ի տեղեկություններով՝ բախվել են «Maybach Տ 500» և «ՎԱԶ 2106» մակնիշների ավտոմեքենաները։
Վթարի հետևանքով «ՎԱԶ 2106»-ի վարորդը տեղափոխվել է Միքայելյանի անվան վիրաբուժության ինստիտուտ։ Ոստիկանությունը պարզում է վարորդների ինքնությունը։
Դեպքի վայրում հավաքվածների խոսքով՝ «Maybach»-ը պատկանում է Գագիկ Ծառուկյանին, որը, ըստ աղբյուրի, դեպքի պահին մեքենայի սրահում չի եղել։