ԵՐԵՎԱՆ, 28 ապրիլի - Sputnik. ՌԴ նախագահ Վլադիմիր Պուտինը հանձնարարել է մինչ ապրիլի 30-ը ներկայացնել նոր կորոնավիրուսային վարակի կանխարգելման համար նախատեսված պատվաստանյութի մշակման ծրագիր-ժամանակացույցը։ Այս տեղեկությունը հրապարակվել է Կրեմլի պաշտոնական կայքում։
Կարևորվում է այդ պատվաստանյութերի պետական գրանցման արագացված գործընթացն ու արդյունաբերական արտադրության մեկնարկը։
Պուտինը հանձնարարել է նաև մինչ մայիսի 15-ը կորոնավիրուսով հիվանդ մարդկանց հետ շփվող բժիշկների դեղորայքային կանխարգելիչ միջոցառումներ անցկացնել։
Համապատասխան զեկույցը պետք է ներկայացվի մինչ ապրիլի 30-ը, պատասխանատուն ՌԴ վարչապետ Միխայիլ Միշուստինն է։