ԵՐԵՎԱՆ, 28 ապրիլի - Sputnik. Ապրիլի 28-ի ժամը 15։00-ի Կիև-Երևան չարտերային թռիչքի ուղևորների ցուցակում փոփոխություններ են եղել։ Նախապես գրանցված անձանցից մի քանիսը տարբեր պատճառներով հրաժարվել են մեկնել։ Ինքնաթիռում կա մի քանի ազատ տեղ։ Այս մասին հայտնում են Ուկրաինայում ՀՀ դեսպանության մամուլի ծառայությունից:
Ավելի վաղ հաղորդվում էր, որ ուկրաինական SkyUp ընկերության հետ երկար բանակցությունների արդյունքում պայմանավորվածություն է ձեռք բերվել ապրիլի 28-ին Կիև-Երևան չարտերային թռիչք կազմակերպելու վերաբերյալ: Բոլոր ուղևորներին տրվում են անվճար տոմսեր: Յուրաքանչյուր ուղևոր կարող է իր հետ բերել մինչև 7 կգ ձեռքի ուղեբեռ և մինչև 23 կգ քաշով ուղեբեռ:
Ուղեբեռի լրացուցիչ քաշի համար ուղևորը պետք է վճարի:
«Նախապես գրանցված անձանցից մի քանիսը տարբեր պատճառներով հրաժարվել են մեկնել։ Ինքնաթիռում կա ազատ 7 տեղ։ Խնդրում ենք ստուգել ձեր տվյալների առկայությունը ցուցակում, իսկ ովքեր չեն արձանագրվել, խնդրում ենք շտապ հաղորդագրություն ուղարկել դեսպանության FB էջին կամ զանգել մեզ թեժ գծով +380733737447», - նշված է հաղորդագրության մեջ։
Հավելենք, որ այս թռիչքով Հայաստան ժամանող բոլոր ուղևորները ենթարկվելու են 14-օրյա պարտադիր կարանտինային ռեժիմի։ Անմիջապես «Զվարթնոց» օդանավակայանից նրանց տեղափոխելու են մեկուսացման հատուկ վայրեր։