ԵՐԵՎԱՆ, 26 ապրիլի - Sputnik. Իտալիան մինչև տարեվերջ զբոսաշրջիկների համար սահմանները չի բացի։ Ինչպես հաղորդում է Sputnik ռադիոն, Իտալիայի մշակույթի և զբոսաշրջության նախարար Դարիո Ֆրանչեսկինին La Repubblica պարբերականի հետ հարցազրույցում խոսել է այն մասին, թե երկրում ստեղծված իրավիճակն ինչպես կանդրադառնա զբոսաշրջության վրա։
«Սահմանների բացումը պայմանավորված կլինի յուրաքանչյուր պետության համաճարակային իրավիճակով և որդեգրած քաղաքականությամբ»,- ասել է նա։
Դարիո Ֆրանչեսկինին հնարավոր է համարել, որ մայիսից երկրում դռները վերաբացեն թանգարաններն ու գլխավոր տեսարժան վայրերը, այդ թվում, օրինակ, Կոլիզեյն ու Պոմպեյը։
Նշենք, որ Worldmeter -ի վերջին տվյալներով՝ Իտալիան կորոնավիրուսով վարակվածների թվով աշխարհում երրորդ տեղում է՝ ԱՄՆ-ից և Իսպանիայից հետո։ Վարակվածների թիվը 195,300 -ից ավելի է։ Կորոնավիրուսի հետևանքով երկրում գրանցվել է 26, 384 մահ, առողջացածները 63 հազարից ավելի են։
Կիև-Երևան չարտերային չվերթով 150 քաղաքացի կվերադառնան Հայաստան