ԵՐԵՎԱՆ, 24 ապրիլի — Sputnik. Արցախի Հանրապետության նախագահ Բակո Սահակյանն այսօր` ապրիլի 24-ին Ստեփանակերտում ծաղկեպսակ է դրել Հայոց ցեղասպանության անմեղ զոհերի հիշատակը հավերժացնող հուշակոթողին: Տեղեկությունը հայտնում են Արցախի Հանրապետության նախագահի աշխատակազմի տեղեկատվության գլխավոր վարչությունից:
Նշենք, որ կորոնավիրուսի տարածումը կանխելու համար այս տարի` Հայոց ցեղասպանության 105-րդ տարելիցին, Հայաստանում և Արցախում չեն անցկացվում մասսայական միջոցառումներ։ Ե՛վ Հայաստանում, և՛ Արցախում չեն անցկացվել ամենամյա ջահերով երթը, Ծիծեռնակաբերդի հուշահամալիրի մուտքը փակ է քաղաքացիների համար։
Ծիծեռնակաբերդում 11 ժամ տևողությամբ համերգային ծրագիր կլինի, կմասնակցեն մոտ 160 երաժիշտներ
Այսօր առավոտյան Հայոց ցեղասպանության անմար կրակի մոտ սրբադասցված զոհերի հիշատակին հարգանքի տուրք են մատուցել ՀՀ նախահագ Արմեն Սարգսյանը, ՀՀ վարչապետ Նիկոլ Փաշինյանը` տիկնոջ հետ, ՀՀ ԱԺ նախագահ Արարատ Միրզոյանը և Ամենայն Հայոց կաթողիկոս Գարեգին Բ–ն։