ԵՐԵՎԱՆ, 23 ապրիլի - Sputnik. COVID-19 կորոնավիրուսի դեմ հակամարմինների առկայությունը բացահայտող թեստերի անցկացումն ու վարակը վաղ շրջանում բացահայտելը կարող է օգնել խուսափել վարակման երկրորդ ալիքից։ Այս կարծիքը ՌԻԱ Նովոստիի հետ զրույցում հայտնել է գիտնական, Գենուայի համալսարանի պրոֆեսոր Ռոբերտո Գասարինին։
«Հակամարմինները հայտնաբերելու համար թեստերի օգտագործումը կախված կլինի համավարակի փուլից։ Այս պահին համավարակը անցումային փուլում է։ Հենց այս փուլում այդ թեստերը կարող են շատ օգտակար լինել։ Երբ մենք վերջապես հասնենք ավելի քիչ ռիսկի փուլին, դրանք կարող են օգնել արագ բացահայտել նոր դեպքերը, որոնք կկանխեն համավարակի նոր ալիքը», - ասել է Գասպարինին։
Այսօրվանից Իտալիայի Լոմբարիդիա շրջանում, որը կորոնավիրուսի բռնկման օջախ էր դարձել, արյան մեջ հակամարմինների բացահայտման թեստեր են անցկացնում։ Ենթադրվում է, որ օրական մոտ 20 հազար մարդ կարող է թեստավորվել։
Իտալական Diasorin ընկերության արտադրած սարքն ու թեստերը թույլ են տալիս ավտոմատ կերպով պարզել՝ արդյոք արյան մեջ կորոնավիրուսի հակամարմիններ կան։ Այսպիսով հաջողվում է հետևել՝ ովքեր են հիվանդացել ու ապաքինվել, խոսքն այն մարդկանց մասին է, որոնք չեն ախտորոշվել ավանդական միջոցներով՝ քթից կամ կոկորդից քսուկ կամ մոլեկուլյար ախտորոշում։
Մոսկվայի համալսարանում COVID-19–ի ծանր տեսակի զարգացումը կանխելու դեղամիջոց են մշակում
Վերջին տվյալների պաշտոնական տվյալներով՝ ապրիլի 22-ին Իտալիայում կորոնավիրուսով վարակման 187 հազար դեպք է գրանցվել․ ավելի քան 54 հազար մարդ ապաքինվել է, զոհերի ընդհանուր թիվը գերազանցել է 25 հազար մարդ։
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։
Ռուսաստանում կորոնավիրուսը բուժող դեղորայք են ստեղծել. սպասում են մասնագետների պատասխանին