ԵՐԵՎԱՆ, 21 ապրիլի –Sputnik. Սիրիայի հնագույն Էբլա քաղաքի պեղումների վայրից զինյալները ոսկյա և քարե իրեր են հաշփտակել։ ՌԻԱ Նովոստին հայտնում է, որ այս մասին լրագրողներին ասել է Համա գավառի մշակութային դեպարտամենտի տնօրեն Հազեր Այլյուլյուն։
Նրա խոսքով` չի բացառվում, որ նրանք այդտեղ հայտնվել են հնագույն արժեքների առուվաճառքով զբաղվողների հուշմամբ։
«Նրանք (զինյալները) եկել ու նպատակաուղղված սկսել են փնտրել Էբլայի կառավարիչների գերեզմանատունը, ուզում էին գտնել թանկարժեք իրերը։ Գողացել են տասնյակ ոսկյա իրեր, ինչպես նաև քարե գտածոներ։ Զինյալները քաղաքին մեծ վնաս են հասցրել»,– ասել է Հազեր Այլյուլյուն։
Նա նշել է, որ գրոհայինները հնագույն քաղաքի պեղումների վրա հիմնել են ուսումնամարզական ճամբար, ինչպես նաև ստեղծել ամրաշինություններ։
Սիրիական բանակի ՀՕՊ ուժերը հետ են մղել Դամասկոսի ուղղությամբ հրթիռային հարձակումը
«Այստեղ եղել են և՛ բազա, և՛ շտաբեր, և՛ մարզահրապարակ, և՛ թաքստոց տեխնիկայի համար։ 1.5 հազար բնակչության համար նախատեսված մի ամբողջ ռազմական քաղաք։ Իսկ զրահամեքենաներն ու պիկապները հողի մեջ են թաղել։ Նրանք այս տեղն ընտրել էին, քանի որ այն բոլոր կողմերից փակ է ամրապատնեշներով և այստեղ կարելի է թաքնվել»,– պարզաբանել է սիրիական բանակի ներկայացուցիչը։
Ըստ նրա` Էբլան Սիրիայի պատմական ամենահետքրքիր քաղաքներից մեկն է, այնտեղ բազմաթիվ անտիկ հուշարձաններ կան։
Առաջիկայում հնագիտական հուշարձանը կստուգեն սակրավորները, այնուհետև հնարավոր է արշավ կազմակերպվի` ուսումնասիրելու համար հուշարձանի վերականգնման հարցը։
Նշենք, որ Էբլան մ.թ.ա. III-II հազարամյակներին գոյություն ունեցող պետության մայրաքաղաքն էր։ Իր հզորության ժամանակաշրջանում այն զբաղեցնում էր ժամանակակից Սիրիայի գրեթե ողջ տարածքը։ Արքայության մայրաքաղաքը գտնվում է ժամանակակից Հալեպից 53 կմ դեպի հարավ–արևմուտք։ Էլբայի պեղումների մերձակայքում է գտնվում ժամանակակից Թել–Մարդիխ ավանը, որը մինչև վերջերս գտնվում էր զինյալների վերահսկողության տակ։