ԵՐԵՎԱՆ, 20 ապրիլի - Sputnik. Կորոնավիրուսի համավարակն ի հայտ բերեց առողջապահության ոլորտի համակարգային թերությունները։ Այսպիսի եզրակացության են եկել «Մեծ քսանյակի» երկրների առողջապահության նախարարները, որոնք հանդիպումից հետո իրենց մտահոգություններն արձանագրել են ամփոփիչ փաստաթղթում։
Խորհրդակցությունը, որը կազմակերպվել էր Սաուդյան Արաբիայի նախաձեռնությամբ, անցել է տեսակոնֆերանսի ձևաչափով։ Դրան մասնակցել են ոչ միայն G20 պետությունների նախարարները, այլ նաև Առողջապահության համաշխարհային կամակերպության(ԱՀԿ) և Համաշխարային բանկի (ՀԲ) ներկայացուցիչները։
Ռուսաստանի առողջապահության նախարար Միխայիլ Մուրաշոն կոչ է արել բարելավել նմանատիպ սպառնալիքների հակազդման մեխանիզմները։ Իսկ Սաուդյան Արաբիայի առողջապահության նախարար Թաուֆիկ Ար-Ռաբիայի կարծիքով՝ երկրները պետք է ավելի սերտ համագործակցեն և գիտելիքներով փոխանակվեն։
Կորոնավիրուսը կարագացնի Մոսկվա-Վաշինգտոն-Պեկին «Մեծ եռյակի» ստեղծումը
Առողջապահության համաշխարհային կազմակերպությունը(ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ։ Կազմակերպությունը կոչ է արել բոլոր պետություններին միանալ վարակի դեմ ակտիվ պայքարին։