ԵՐԵՎԱՆ, 19 ապրիլի – Sputnik. Երևանում և մարզերում անցկացվող մշտադիտարկումների արդյունքում, ՀՀ պարետ Տիգրան Ավինյանի որոշմամբ, 24 ժամով արգելվել է մի շարք սուպերմարկետների գործունեությունը: Տեղեկությունը հրապարակել է ՀՀ առողջապահական և աշխատանքի տեսչական մարմինը։
Առաջին զբոսաշրջիկներին կդիմավորեն ինչպես տիեզերագնացների. կարանտինն ու տուրիզմը
Արգելվել են հետևյալ տնտեսվարողներին պատկանող մասնաճյուղերի (հասցեներում իրականացվող) գործունեության ծավալումը.
1) «Դուստր Մոնիկա» ՍՊԸ, Շիրակի մարզ, Ջաջուռ համայնք.
2) «Մ-Մետալ» ՍՊԸ, Շիրակի մարզ, ք. Գյումրի, Մնջոյան 3/7.
3) «Արամյան Հոլդինգ» ՍՊԸ, ք. Երևան, Աբովյան 17.
4) «Նոր Զովք» ՍՊԸ, ք. Երևան, Սարյան փողոց 12/13
5) Ա/Ձ «Արա Համբարձումյան», Սյունիքի մարզ, ք․ Կապան, Հ․ Ավետիսյան 1.
6) Ա/Ձ «Մելադա Միրզոյան», Սյունիքի մարզ, ք․ Կապան, Ռ․ Մինասյան 2.
7) Ա/Ձ «Սեդա Հովհաննիսյան», Սյունիքի մարզ, ք Կապան, Հ Ավետիսյան 1.
8) Ա/Ձ «Սուսաննա Մարգարյան», Վայոց ձորի մարզ, ք․ Ջերմուկ, Ազատամարտիկների 1.
9) Ա/Ձ «Տիգրան Պապոյան», Վայոց ձորի մարզ, ք․ Ջերմուկ, Ձախափնյակ 11/38.
10) Ա/Ձ «Սիրանուշ Խաչատրյան», Վայոց ձորի մարզ, ք․ Ջերմուկ, Ձախափնյակ 2Ա/12Ա.
11) Ա/Ձ «Արագած Խաչատրյան», Վայոց ձորի մարզ, ք․ Ջերմուկ, Ձախափնյակ 3-ի մոտ:
Որոշումով պահանջվում է Հայաստանի Հանրապետության առողջապահական և աշխատանքի տեսչական մարմնի ղեկավար Հակոբ Ավագյանից ապահովել տնտեսվարողներին սույն որոշման մասին տեղեկացումը։ Իսկ Հայաստանի Հանրապետության ոստիկանության պետ Արման Սարգսյանից՝ ապահովել սույն որոշման 1-ին կետի պահանջների կատարման նկատմամբ ամբողջական վերահսկողություն։
Նոր նմուշառումներ և 90-ամյա պապիկի մահ. ինչ իրավիճակ է Մարալիկում
Տնտեսվարողի գործունեությունը արգելվում է տեղեկացման պահից։
Նշենք, որ ՀՀ կառավարության ապրիլի 13–ի որոշմամբ` Հայաստանում արտակարգ դրության ռեժիմը և համապատասխան սահմանափակումները երկարացվել են մինչև մայիսի 14–ը։