ԵՐԵՎԱՆ, 19 ապրիլի - Sputnik․ Հայտնի Comedy Woman հեռուստաշոուի հաղորդավարուհի Նատալյա Եփրիկյանը շարունակում է իր ճանաչողական շրջայցը Հայաստանում։ Այս անգամ նա զվարճալի լուսանկարներ է հրապարակել Գոշ լճի ափից։
«Ավանդական հայկական պար` ջրաղաց։ Կատարվում է շատ մաքուր և գեղեցիկ լճի ափին»,-այսպես է հումորիստ կինը մակագրել լուսանկարը։
Իր հայկական հրապարակումներում նա օգտագործում է #ինքնամեկուսացում #Հայաստանէիրուզումստացիր #armenia հեշթեգները, որպեսզի օգտատերերն ավելի հեշտ գտնեն այն։ Ի դեպ, օգտատերերը մեկնաբանություններ չեն խնայում և ամբողջ ուժող «թրոլլում են»։
«Մի քիչ նման է շալախոյի», «Ավելի շատ կարատեի է նման», «Որտեղի՞ց եք մաքուր լիճ գտել», «Ինչպիսի կիրք ու կրակ», «Ինչպիսի՜ նրբագեղություն, ինչպիսի՜ գծեր»։
Նախքան լճի ափին զբոսնելը Նատալյան հասցրել է լինել երկրի ամենահայտնի ռեստորաններից մեկում, բայց նրան այնտեղ գրավել է «բյուրեղապակյա կոշիկը»։ Ճիշտ ինչպես Մոխրոտը, միայն թե հումորիստը կոշիկի առկայությունն իբրև մարտահրավեր կամ քվեստի հրավեր է ընդունել։
«Դե, սա արդեն քվեստի է նման»,-մակագրել է նա լուսանկարը։
Բնականաբար օգտատերերը այստեղ ևս անմասն չեն մնացել և կատակել են մեկնաբանություններում․ «Ո՞ւմ կոշիկն է», «Վե՞րջ, չի՞ մտնում», «Մոխրոտ 2-րդ, սեփական անձով», «Այնտեղ հաստատ կոնյակ է եղել», «Իսկ արքայազնին երևի կերել է»։
«Ես թույլ եմ, շուտ եմ բռնկվում»․ Լուսինե Թովմասյանի խոստովանությունն ու անկեղծ լուսանկարը
Արդեն գրեթե մեկ ամիս է, ինչ Եփրիկյանը լուսանկարներ է հրապարակում Հայաստանից։ Կամ նա մտադրված որոշել է համավարակի ընթացքն անցկացնել պատմական հայրենիքում, կամ ժամանել և ստիպված մնացել է Հայաստանում։ Նատալյա Եփրիկյանը հումորային ժանրի դերասանուհի է և պրոդյուսեր․ Ծնվել է վրացահայերի ընտանիքում։ Նախկինում Նատալյան ՈՒՀԱ «Մեգապոլիս» թիմի առաջնորդներից մեկն է եղել։