ԵՐԵՎԱՆ, 18 ապրիլի – Sputnik.Արցախի պաշտպանության նախարարությունը տեղեկացնում է, որ արցախա–ադրբեջանական սահմանին հակառակորդի կրակոցների թիվն այս շաբաթ, նախորդի համեմատ, 1/3-ով ավելացել է։
«Ապրիլի 12-ից 18-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը խախտել է հրադադարի պահպանման ռեժիմը ավելի քան 190 անգամ` տարբեր տրամաչափի հրաձգային զինատեսակներից հայ դիրքապահների ուղղությամբ արձակելով շուրջ 1800 կրակոց»,- նշված է հաղորդագրության մեջ:
ՊԲ առաջապահ զորամասերը լիակատար վերահսկողություն են պահպանում առաջնագծում և շարունակում են վստահորեն իրականացնել մարտական հերթապահություն:
Նշենք, որ նախորդ շաբաթ՝ ապրիլի 5-ից 11-ն ընկած ժամանակահատվածում, արցախա-ադրբեջանական հակամարտ զորքերի շփման գոտում հակառակորդը հայ դիրքապահների ուղղությամբ արձակել էր շուրջ 1200 կրակոց: