ԵՐԵՎԱՆ, 17 ապրիլի – Sputnik. Վերակառուցման և զարգացման միջազգային բանկը Հայաստանին 13 400 000 եվրոյի վարկ կտրամադրի՝ կենսական նշանակության ճանապարհային ցանցի բարելավման նպատակով: Այսօր համաձայնագրի քննարկման ժամանակ Ազգային ժողովում այս տեղեկությունը հայտնեց ՀՀ տարածքային կառավարման և ենթակառուցվածքների նախարար Սուրեն Պապիկյանը:
Վերջ «խոպանին». կառավարությունը կօգնի Հայաստանում վաստակել հանապազօրյա հացը
Այս գումարի շրջանակներում, ըստ համաձայնագրի, նախատեսվում է վերանորոգել 450 կմ ընդհանուր երկարությամբ ճանապարհներ:
«Նախատեսվում է իրականացնել շուրջ 65 կմ երկարությամբ 12 ճանապարհի վերանորոգում Արմավիրի, Արագածոտնի, Գեղարքունիքի, Լոռու, Շիրակի և Սյունիքի մարզերում»,- ասաց Պապիկյանը:
Ճանապարհաշինական ծրագրերի մի մասի համար մրցույթներն արդեն հայտարարված են: Նախարարը խոստացավ, որ առաջնահերթությունը տրվելու է հայաստանյան ընկերություններին, եթե դրանք բավարարեն պահանջվող տեխնիկական չափանիշներին:
Վարկային համաձայնագրով նախատեսված ծրագրերը պետք է ավարտված լինեն մինչև 2021թ. դեկտեմբերի 30-ը: Իսկ վարկի մարումը նախատեսվում է 20 տարի ժամկետում, որից առաջին 5 տարին՝ արտոնյալ պայմաններով:
Կորոնավիրուսը ճանապարհաշինությանը չի խանգարի․ պարետը թույլ է տվել սկսել աշխատանքները