ԵՐԵՎԱՆ, 17 ապրիլի — Sputnik. ՀՀ երկրորդ նախագահ Ռոբերտ Քոչարյանի գործով դատավոր Աննա Դանիբեկյանը վիրահատությունից հետո արդեն աշխատանքի է հաճախում։ Տեղեկությունը հաղորդում է Քոչարյանի փաստաբանական թիմի մամուլի ծառայությունը:
Տեղեկությունը նաև հաստատել են դատավորի աշխատակազմից։ Քոչարյանի գործով հաջորդ դատական նիստի ամսաթվը դեռ հայտնի չէ։
Ռոբերտ Քոչարյանի պաշտպանները միջնորդություն են ներկայացրել` կորոնավիրուսի վտանգով պայմանավորված խափանման միջոց նրա կալանքը փոխելու համար, քանի որ Քոչարյանը գտնվում է ռիսկի խմբում։
Հիշեցնենք, որ ապրիլի 9–ին ՀՀ երկրորդ նախագահ Ռոբերտ Քոչարյանի պաշտպան Արամ Օրբելյանը հայցադիմումներ էր ներկայացրել Վարչական և Ընդհանուր իրավասության դատարաններ ընդդեմ Քրեակատարողական ծառայության։ Պաշտպանական կողմը պահանջում է կանխել իրավունքները խախտող գործողությունները, մասնավորապես՝ անմարդկային վերաբերմունքը և խոշտանգումները Ռոբերտ Քոչարյանի նկատմամբ:
Ռոբերտ Քոչարյանի գործում առկա է անմարդկային վերաբերմունք. ևս 1 միջնորդություն կներկայացվի