ԵՐԵՎԱՆ, 16 ապրիլի – Sputnik. Արտակարգ դրության օրերին 55 կազմակերպությունների կամ նրանց մասնաճյուղերի գործունեությունը ժամանակավորապես կասեցվել է։ Կառավարության մամուլի կենտրոնում կայացած ասուլիսի ժամանակ տեղելությունը հայտնեց ՀՀ առողջապահական և աշխատանքի տեսչական մարմնի աշխատողների առողջության պահպանման և անվտանգության ապահովման վարչության պետ Աշոտ Հարությունյանը:
Պարետը 6 ժամով արգելել է մի քանի սուպերմարկետների մասնաճյուղերի գործունեությունը
«ՀՀ առողջապահական և աշխատանքի տեսչական մարմինը 487 կազմակերպություններում և դրանց մասնաճյուղերում մշտադիտարկումներ է իրականացրել։ Դրանցից 55-ում խախտումներ են հայտնաբերվել։ Հիմնականում խախտվում են այն բոլոր պայմանները, որոնք անհրաժեշտ են վարակի կանխարգելման համար»,–ասաց Հարությունյանը։
Նրա խոսքով` խախտումները վերաբերում են աշխատակիցների կողմից դիմակներ չկրելուն, արտահագուստի համար հատուկ հանդերձարան չունենալուն, բավարար քանակի ծորակներ չունենալուն։ Հարությունյանն ասաց, որ խախտումները հայտնաբերելուց հետո ընկերությանը հնարավորությւոն է տրվում դրանք շտկել, սակայն այդ ընթացքում փակվում են այդ կազմակերպությունները։
Տղան մասնակցել էր հոր թաղմանը և 2 օր անց իմացել, որ հիվանդ է. մանրամասներ Նորաշենի դեպքից
ՀՀ առողջապահական և աշխատանքի տեսչական մարմինն ինքը խորհրդատվություն է տրամադրում, թե ինչպես շտկեն խախտումները։
Հիշեցնենք, որ արտակարգ դրության ռեժիմում սահմանափակումներ կան մի շարք կազմակերպությունների գործունեության առնչությամբ։ Այս օրերին աշխատում են միայն պարենի խանութները, գյուղմթերքի շուկաներն ու դեղատները։
«Անգամ համավարակի ժամանակ մեզ ոչ ոք ուշադրություն չի դարձնում». անտունները և կորոնավիրուսը