ԵՐԵՎԱՆ, 16 ապրիլի — Sputnik. Արցախի նորընտիր նախագահ Արայիկ Հարությունյանը Երևան է այցելել: Facebook-ի իր էջում նա գրել է, որ ՀՀ Ազգային ժողովի նախագահ Արարատ Միրզոյանի հրավերով ոչ պաշտոնական այցով հյուրընկալվել է Խորհրդարանում:
Քաղաքական հետապնդում չի լինի. Արայիկ Հարությունյանը համախմբման կոչ է անում
«Պարոն Միրզոյանի հետ կարճատև զրույց ենք ծավալել, ընթացքում անդրադարձել ապագա համագործակցության մի շարք հարցերի»,-գրել է Հարությունյանը Արարատ Միրզոյանի հետ արված լուսանկարին կից:
Հիշեցնենք՝ մարտի 31–ին Արցախում կայացած նախագահական ընտրությունների առաջին փուլից հետո մրցապայքարում էին մնացել նախկին վարչապետ (պետնախարար), «Ազատ Հայրենիք» կուսակցության ղեկավար Արայիկ Հարությունյանն ու արտգործնախարար Մասիս Մայիլյանը։
Ընտրությունների առաջին փուլի արդյունքում Արայիկ Հարությունյանը ստացել էր ձայների 49,26%-ը, արտգործնախարար Մասիս Մայիլյանը՝ 26,4%-ը։
Ապրիլի 14-ին անցկացվեց ընտրությունների երկրորդ փուլը, որի արդյունքում հաղթեց Արայիկ Հարությունյանը։ Բոլոր 282 ընտրատեղամասերի քվեաթերթիկների մշակման արդյունքում Հարությունյանի օգտին քվեարկել է 39 860 մարդ, Մայիլյանի օգտին ՝ 5 428:
Արցախում նախագահ է ընտրվել Արայիկ Հարությունյանը. Սարգսյանն արդեն շնորհավորել է