ՀՅԴ Գերագույն մարմնի անդամ Իշխան Սաղաթելյանի տեղեկացմամբ` հաշվի առնելով երկրում հայտարարված արտակարգ դրությունը` ապրիլի 23-ի ամենամյա ջահերով երթն այս տարի նույն ձևաչափով տեղի չի ունենա, այսինքն բազմամարդ երթ չի լինի։
Փող տպելու կարիք կլինի՞, կամ պետության տրամադրած աջակցությունն ի՞նչ խնդիր է լուծում
«Բայց ունենք մի քանի գաղափար։ Օրինակ` ապրիլի 23-ի երեկոյան հենց Ծիծեռնակաբերդի հուշահամալիրում պահանջատիրության ոգեկոչման մեր ակցիան փոքրաթիվ կազմով կիրականացնենք` իհարկե հաշվի առնելով արտակարգ դրության պայմանները»,– նշում է ՀՅԴ Գերագույն մարմնի անդամը։
Իշխան Սաղաթելյանի փոխանցմամբ` ՀՅԴ ուսանողական երիտասարդական միությունները վերջնական ծրագրի մասին հանրությանը կտեղեկացնեն։ Ըստ նրա` կուսակցությունն այս ամբողջ ընթացքում հետևորդներին դիմել է զանգվածային միջոցառումներ կազմակերպելուց զերծ մնալու կոչով, որովհետև քաղաքացիների առողջապահության հարց է դրված։
Դրանով հանդերձ` Իշխան Սաղաթելյանը նշում է, որ ՀՅԴ–ն գտնելու է ելքեր, ձևեր, որ նաև շատ կարևոր իրադարձությունները չանտեսվեն և ստեղծված իրավիճակից ելնելով` ստեղծված պայմաններում, առկա հնարավորություններով նշվեն վերոհիշյալ միջոցառումները։
Հիշեցնենք, որ կորոնավիրուսի տարածումը կանխելու նպատակով Հայաստանում մարտի 16–ից ապրիլի 14–ն արտակարգ դրություն էր հայտարարված, որը պարետ Տիգրան Ավինյանի առաջարկով երկարացվեց ևս 30 օրով։
Կառավարությունն ընդունեց արտակարգ դրությունը երկարացնելու մասին որոշումը