ԵՐԵՎԱՆ, 15 ապրիլի – Sputnik.ՀՀ արտակարգ իրավիճակների նախարարությունը տեղեկացնում է, որ երեկ Երևանում «BMW» մակնիշի ավտոմեքենա է ընկել Հրազդան գետը, ինչի հետևանքով երեք մարդ է հոսպիտալացվել։
«Ապրիլի 14-ին, ժամը 18:17-ին Ճգնաժամային կառավարման ազգային կենտրոնն ահազանգ է ստացել, որ Երևանի Դավթաշենի կամրջի մոտակայքում ավտոմեքենան ընկել է գետը: Դեպքի վայր է մեկնել ԱԻՆ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը»,–նշված է հաղորդագրության մեջ։
Ողբերգական վթար Ջրաշեն գյուղի մոտ․ վարորդն ու 19-ամյա ուղևորը տեղում մահացել են
Պարզվել է, որ «BMW» մակնիշի ավտոմեքենան դուրս է եկել ճանապարհի երթևեկելի հատվածից և ընկել Հրազդան գետը: Մինչ փրկարարների՝ կանչի վայր հասնելն ավտոմեքենայի վարորդին և երկու ուղևորի տեղի ուժերով դուրս են բերել գետից. վերջիններս հոսպիտալացվել են «Արմենիա» ՀԲԿ: