ԵՐԵՎԱՆ, 14 ապրիլի – Sputnik.Հայաստանի Քաղաքացիական ավիացիայի կոմիտեի ղեկավար Տաթևիկ Ռևազյանը խոստանում է հնարավորինս շուտ Հայաստան վերադառնալ։ Տեղեկությունը նա հաղորդեց այսօր առցանց մամուլի ասուլիսի ժամանակ՝ պատասխանելով Sputnik Արմենիայի թղթակցի հարցին։
Ռևազյանը հիմա Դանիայում է, այնտեղ է ապրում նրա ընտանիքը։ Նա երեխայի է սպասում ու մեկնել է Դանիա այս ընթացքում բարեկամներին մոտ լինելու համար։
«Ես ֆիզարձակուրդի մեջ եմ, բայց շարունակում եմ աշխատել, քանի որ թռիչքային անվտանգության հետ կապված խնդիրներ են առաջացել, դրան էլ գումարվել է COVID-19-ի հետ կապված իրավիճակը։
Ուզում են հնարավորինս արագ վերադառնալ։ Կարծում եմ՝ կգամ, երբ երեխան մի քանի ամսական կդառնա։ Սակայն այս պահին իմ վերադարձը կապված է նաև չվերթերի վերականգնման հետ», - ասաց նա։
Եվրոպայի ճանապարհը փակ է. ով է ավիացիան այս վիճակին հասցրել և հնարավոր է արդյոք այն փրկել
Հիշեցնենք` Ռևազյանը Քաղաքացիական ավիացիայի կոմիտեն ղեկավարում է 2018 թվականի հուլիսի 10-ից։ Նա երկար ժամանակ ապրել է Դանիայում ու աշխատել ավիացիայի ոլորտում։