ԵՐԵՎԱՆ, 13 ապրիլի – Sputnik․ Վրաստանի կրթության, գիտության, մշակույթի և սպորտի նախարարության կայքը հայտնում է, որ երկրում հայերեն և ադրբեջաներեն կրթական հարթակ են գործարկել։
Ծրագիրն իրականացվում է «Հեռուստադպրոց» նախագծի շրջանակում՝ կրթական գերատեսչության և Վրաստանի հանրային «Փիրվելի արխի» հեռարձակողի համատեղ նախաձեռնությամբ։ Այն թույլ է տալիս ազգությամբ հայ և ադրբեջանցի դպրոցականներին չկտրվել կրթական գործընթացից և կրթություն ստանալ հեռավար կարգով։ Նախագիծը մեկնարկել է մարտի 30-ին։
«Ապրիլի 13-ից սկսած մասնակից-ազգային փոքրամասնությունների համար հայերեն և ադրբեջաներեն մաթեմատիկայի, բնագիտության, կենսաբանության, մայրենի լեզվի դասեր կանցկացվեն»,-նշված է հաղորդագրության մեջ։
Առցանց դասերը բոլոր դասարանների աշակերտների համար են։ Դրանց նպատակն է արտակարգ դրության պայմաններում, երբ ուսումնական հաստատությունները փակ են կորոնավիրուսի տարածման վտանգի պատճառով, հնարավորինս շատ դպրոցականներ ներգրավել հեռավար ուսուցման գործընթացին։
Հայաստանում պատրա՞ստ են հեռավար քննությունների․ փորձագետի կարծիքը
Նշենք, որ «Փիրվելի արխիի» կայքում 2018թ-ի մայիսի 3-ից սկսած՝ «Բազմազան Վրաստան» նախագծի շրջանակում գործում է բացառապես հայերեն լուրերի և նախագծերի 12-ժամյա հեռարձակում։ Իսկ հայերեն և ադրբեջաներեն նորությունները Վրաստանի Հանրային հեռուստատեսության առանձին հարթակով հեռարձակվում են յուրաքանչյուր ժամը մեկ։
Ինչ է արվում մարզերում հեռավար կրթությունից դուրս մնացած աշակերտների խնդիրը լուծելու համար