ԵՐԵՎԱՆ, 13 ապրիլի – Sputnik. Առավոյան ժամը 11-ի դրությամբ` 6 զինծառայող կորոնավիրուսի դեմ բուժումն ավարտել ու անցել է ծառայության։ Կառավարության մամուլի կենտրոնում կայացած մամուլի ասուլիսի ժամանակ հայտնեց ՀՀ ԶՈւ ռազմաբժշկական վարչության պետ Սահակ Օհանյանը։
«Ներկա պահին ԶՈւ–ում վարակված զինծառայողների շրջանում ծանր կամ ծայրահեղ ծանր հիվանդներ չկան, արհեստական շնչառական սարքին միացվածներ նույնպես չկան»,–ասաց Օհանյանը։ Նա հայտնեց նաև, որ ԶՈւ–ում թոքաբորբով հիվանդ որևէ հիվանդ ևս չկա։
Իսկ թե զինված ուժերում քանիսն են վարակված կորոնավիրուսով և քանիսն են առհասարակ մեկուսացված` Օհանյանը հրաժարվեց տվյալներ հայտնել։ Սակայն վստահեցրեց` այս պահին շատ չնչին է բուժվողների թիվը։
Մինչև 100 թեստի պատասխան` մեկ օրում. Ռուսաստանից բերված շարժական լաբորատորիան բացազատվել է
Հարցին, թե ռազմական բժիշկները որքանո՞վ են պատրաստ կորոնավիրուսի դեմ պայքարին միանալու և ընդգրկվա՞ծ են այսօր վարակի դեմ պայքարողների թիմում` Օհանյանը պատասխանեց, թե նրանք 100 տոկոսով պատրաստված են և ընդգրկված են բուժման պրոցեսում ըստ անհրաժեշտության։ Նրա խոսքով` ռազմական բժիշկներն ունեն և՛ փորձ, և՛ ունակություններ կորոնավիրուսի դեմ պայքարելու համար։
Տնտեսական գործունեության որոշ տեսակներ հաջորդ շաբաթվանից կարող են բացվել
Հիշեցնենք, որ մարտի 27-ի տվյալներով` զինված ուժերում կորոնավիուրսով վարակված զինծառայողների թիվը 5–ն էր։