ԵՐԵՎԱՆ, 12 ապրիլի-Sputnik. Թուրքիայի ներքին գործերի նախարար Սուլեյման Սոյլուն հրաժարական է տվել։ Լուրը Twitter-ի իր էջում հայտնել է Սոյլուն։
«Համավարակի տարածումը կանխարգելելու նպատակով երկրում պարետային ժամ մտցնելու ամբողջ պատասխանատվությունն անձամբ ինձ վրա է։ Դա չպետք է հանգեցներ այն իրավիճակին, որի ականատեսը դարձանք։ Ես չէի ուզում վնաս պատճառել ոչ մեկին և հեռանում եմ այն պաշտոնից, որը զբաղեցնում էի ՆԳՆ-ում»,- գրել է Սոյլուն։
Հիշեցնենք, որ Թուրքիայի ներքին գործերի նախարարությունն ուրբաթ երեկոյան հայտարարեց, որ համավարակի տարածումը կանխելու նպատակով շաբաթ և կիրակի օրերին արգելվում է 31 մարզերի, այդ թվում՝ Անկարայի, Ստամբուլի և Անթալիայի բնակիչներին փողոց դուրս գալ։
Թուրքիայում գտնվող ՀՀ 73 քաղաքացիներ Վրաստանի տարածքով վերադառնում են Հայաստան
Թուրքիայի Ժողովրդահանրապետական ընդդիմադիր կուսակցությունը քննադատեց այս որոշումը։ Պարետային ժամի մասին անսպասելի հայտարարությունից հետո մթերային խանութների մոտ բազմամարդ հերթեր էին գոյացել, ինչը մեծացնում է կորոնավիրուսի տարածման հավանականությունը։