ԵՐԵՎԱՆ, 11 ապրիլի – Sputnik. Երեկ՝ ապրիլի 10-ին, ողբերգական ավտովթար է տեղի ունեցել Կոտայքի մարզում. կա 1 զոհ, 3 վիրավոր։ Տեղեկությունը հայտնում է shamshyan.com–ը։
Կայքի տեղեկություններով` ժամը 21:30-ի սահմաններում Mercedes CLS մակնիշի 31 33- 19 IA տրանզիտ համարանիշի ավտոմեքենայի վարորդը Հրազդան քաղաքի Զորավար Անդրանիկի 3-րդ փողոցում, դեռևս անհայտ հանգամանքներում, դուրս է եկել հանդիպակաց երթևեկելի գոտի, բախվել կիսակառույց շինության բետոնե պատին և կոտրել այն:
Վթարի հետևանքով 4 մարդ, որոնց ավտոմեքենայից դուրս են բերել քաղաքացիները, տեղափոխվել են «Հրազդան» բժշկական կենտրոն:
Ողբերգական վթար Առինջ-Ջրվեժ ճանապարհին․ «Nissan Teana»-ի վարորդը մահացել է
Ոստիկանությունն ու քննչական բաժինը պարզում են վարորդի, մահացածի և վիրավորների ինքնությունը:
Կայքը հայտնում է, որ նշված ավտոմեքենան 2 տեղանի է և նախատեսված է 2 հոգու համար, սակայն ավտոմեքենայում եղել են 4 հոգի: