ԵՐԵՎԱՆ, 8 ապրիլի – Sputnik. Հայաստանում կորոնավիրուսով վարակվածերի թիվը ավելացել է 28-ով և դարձել 881: Տեղեկությունը հաղորդում է Հիվանդությունների կանխարգելման և վերահսկման ազգային կենտրոնը:
Այսօր ժամը 11-ի տվյալներով՝ Հայաստանում բուժվածների թիվը 114 է, փաստացի բուժման մեջ է 758 հիվանդ: 4571 թեստի պատասխան բացասական է եղել: 9 մարդ մահացել է:
Հիշեցնենք՝ ապրիլի 7-ի, ժամը 11:00-ի դրությամբ հաստատվել էր կորոնավիրուսային հիվանդության 853 դեպք, որոնցից 87-ն` առողջացած, 8-ը` մահվան ելքով: Փաստացի բուժում է ստանում 758 պացիենտ: Բացասական արդյունք է արձանագրվել 4287 թեստավորման դեպքում:
Հիշեցնենք նաև, որ կորոնովիրուսի տարածման կանխարգելման համար Հայաստանում մարտի 16-ից ապրիլի 14–ն արտակարգ դրություն է սահմանվել։
Պարետ Տիգրան Ավինյանի որոշմամբ՝ մինչև ապրիլի 12-ը գործում են արտակարգ ռեժիմի խստացման պայմաններ. չի աշխատում հասարակական տրանսպորտը, 39 տարվա մեջ առաջին անգամ գործունեությունը դադարեցրել է Երևանի մետրոպոլիտենը:
Քաղաքացիները տնից դուրս գալ կարող են միայն ծայրահեղ անհրաժեշտության դեպքում՝ իրենց հետ ունենալով անձը հաստատող փաստաթուղթ և հատուկ ձևաթուղթ:
Հայաստանում 9-րդ մարդն է մահացել կորոնավիրուսից. դեպքը գրանցվել է Արտաշատի հիվանդանոցում