ԵՐԵՎԱՆ, 7 ապրիլի –Sputnik. Հայաստանում հայտարարված արտակարգ դրությունն ազդել է նաև Հարավկովկասյան երկաթուղու աշխատանքի արդյունքների վրա: Ինչպես հայտնում են ՀԿԵ-ի գրասենյակից, 2020թ.-ի առաջին եռամսյակում երկաթուղով փոխադրվել է 710 000 տոննա բեռ, ինչը 2019 թվականի նույն ժամանակահատվածի համեմատ 2,4 տոկոսով փոքր ցուցանիշ է:
8 տոկոսով կամ 74,4 հազար ուղևորով նվազել են նաև ուղևորափոխադրումները:
Հիշեցնենք՝ մարտի կեսերից չեղարկվել են Երևան-Թբիլիսի-Երևան միջազգային ու Երևան-Գյումրի-Երևան արագընթաց գնացքների չվերթերը։
ՀԿԵ-ի գլխավոր տնօրեն Ալեքսեյ Մելնիկովն այս հարցով կայացած խորհրդակցության ընթացքում կոչ է արել ակտիվացնել բեռների հոսքն ապահովելու ուղղությամբ կատարվող աշխատանքները։
Գնացքների վագոններն ախտահանվում են, ՀԿԵ–ն պայքարում է կորոնավիրուսի դեմ. լուսանկարներ
«Այսօր արդեն գրանցվել է բեռնափոխադրումների անկում և ուղևորափոխադրումների գծով կորուստների աճ։ Մեր աշխատանքի հիմնական խնդիրը երկաթուղի նոր բեռների հոսքի ապահովումն է։ Դրանից է կախված ընկերության արդյունավետ աշխատանքը», - ասել է նա:
Նա նաև պատասխանատու անձանց և ղեկավար կազմին հանձնարարել է չթուլացնել սանիտարահամաճարակային կանոնների և նորմերի կատարումն արտակարգ դրության պայմաններում։
ՀԿԵ ՓԲԸ-ն հանդիսանում է «Ռուսական երկաթուղիներ» ԲԲԸ-ի դուստր ընկերություն և իրականացնում է Հայաստանի երկաթուղային համակարգի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով:
Հայաստանում կորոնավիրուսով վարակվածների թիվը հասավ 853–ի. 20 նոր դեպք է արձանագրվել