ԵՐԵՎԱՆ, 6 ապրիլի –Sputnik. ՀՀ ուսումնական կենտրոնների 80 տոկոսը պատրաստ է հեռավար կրթությանը: Facebook սոցիալական ցանցում ուղիղ եթերի ժամանակ այսպիսի հայտարարություն արեց ՀՀ վարչապետ Նիկոլ Փաշինյանը` պատասխանելով օգտատերերից մեկի հարցին, թե արդյո՞ք չպետք է ուսուցիչների` այս օրերի աշխատանքի համար պարգևավճարներ տրամադրեն նրանց։
«Այս շրջանում մեր ուսուցիչները ֆանտաստիկ աշխատանք են կատարում։ Վերջին 1.5 տարվա ընթացքում մենք անընդհատ քննարկում էինք հեռավար կրթության հարցը, և շաբաթն ուրբաթից շուտ եկավ, քանի որ արտակարգ դրության պատճառով փակեցինք դպրոցները։ Մեր ուսուցիչները շատ կարևոր աշխատանք կատարեցին, ես հպարտանում եմ նրանցով»,–ասաց Փաշինյանը։
Ինչու է ուսուցիչը հեռախոս նվիրում աշակերտին, կամ հեռավար կրթության լավ և վատ կողմերը
Նա հիշեցրեց, որ 2019–ի դեկտեմբերից ուսուցիչների աշխատավարձը բարձրացվել էր 10 տոկոսով, իսկ այս տարվա հունվարի 1–ից նվազագույն աշխատավարձը դարձել է 108 000 դրամ։ Փաշինյանը նշեց` չի կարող հավելյալ խոսոտումներ տալ, քանի որ բազմաթիվ սոցիալական խավերի պետք է օգնություն տրամադրեն։
Հիշեցնենք, որ Հայաստանում կորոնավիրուսի տարածման կանխարգելման նպատակով մարտի 16-ից ապրիլի 14–ը սահմանվել է արտակարգ դրություն։
Այս ընթացքում ուսումնական հաստատությունների աշխատանքն իրականացվում է հեռավար սկզբունքով։
Ուսուցիչները կորոշեն` հեռավար դասերից հետո լրացուցիչ դասաժամերի կանցնեն, թե ոչ. նախարար