ԵՐԵՎԱՆ, 5 ապրիլի –Sputnik. Իրանի նախագահ Հասան Ռոհանին այսօր կորոնավիրուսին հակազդելու շտաբի նիստում հայտնել է, որ երկրի իշխանությունները մտադիր են ապրիլի 18-ից վերականգնել կորոնավիրուսի տարածման պատճառով արգելված տեղաշարժը երկրի ներսում։ Այս մասին հայտնում է ՌԻԱ Նովոստին։
Իրանում փետրվարի 19-ից ի վեր, երբ իշխանությունները հայտնեցին կորոնավիրուսով վարակման առաջին դեպքի մասին, հիվանդության 55 743 վարակակիր է գրանցվել, որոնցից 3452–ը` մահվան ելքով, 19736 մարդ բուժվել է։
Դասավանդումն Իրանի ուսումնական հաստատություններում ևս դադարեցվել է մինչև ապրիլի 18-ը, արգելքը վերաբերում է նաև սրբավայրերին։
Իրանի առաջնորդի խոսքով` գործնական ակտիվությունը գավառներում կորոնավիրուսի վարակման առումով փոքր ռիսկեր է պարունակում, այդ իսկ պատճառով այն կվերականգնվի ապրիլի 11-ից։ Նրա խոսքով` հարցի վերաբերյալ որոշում կկայացվի ավելի ուշ։
Ոսկանյան. «Գուցե համավարակը պատճառ դառնա, որ Իրանն ու ԱՄՆ–ն գնան որոշակի զիջումների»
Ռոհանին հավելել է, որ արգելքը վերաբերում է այն աշխատանքներին կամ գործողություններին, որոնք ենթադրում են մարդկանց կուտակումներ։
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ։ Կազմակերպությունը պետություններին կոչ է արել միավորվել վարակի դեմ ակտիվ պայքարի համար։