ԵՐԵՎԱՆ, 2 ապրիլի – Sputnik. ՀՀ վարչապետ Նիկոլ Փաշինյանն ու պաշտպանության նախարար Դավիթ Տոնոյանն այցելել են Եռաբլուր, հարգանքի տուրք մատուցել ապրիլյան քառօրյա պատերազմի հերոսների հիշատակին: Այս մասին վկայող տեսանյութը վարչապետը հրապարակել է Facebook-ի իր էջում՝ կից գրելով.
«Հարգանքի տուրք՝ ապրիլյան քառօրյա պատերազմի հերոսների հիշատակին»:
Հիշեցնենք՝ 2016թ.-ի ապրիլի 1-ի լույս 2-ի գիշերը ադրբեջանական զինուժը լայնամասշտաբ ռազմական գործողություններ սկսեց Արցախի Հանրապետության արցախա-ադրբեջանական շփման գծի ողջ երկայնքով։ Առավել թեժ մարտեր ընթացան հարավային (Հադրութ) և հյուսիսարևելյան (Մարտակերտ) ուղղություններում։
Հայկական կողմը 100-ից ավելի զոհ տվեց քառօրյա մարտերի ընթացքում: