ԵՐԵՎԱՆ, 2 ապրիլի – Sputnik. Կորոնավիրուսով վարակված բուժծառայողների թիվն օրեցօր ավելանում է: Այս մասին ասօր կառավարության նիստից հետո մամուլի կենտրոնում տեղի ունեցած ասուլիսի ժամանակ հայտնեց ՀՀ առողջապահության նախարար Արսեն Թորոսյանը:
Մահացած օպերային երգչուհին դեպքի նախորդ օրը հրաժարվել է գնալ հիվանդանոց. ԱՆ խոսնակ
Թորոսյանը նշեց, որ նմանատիպ դեպքերն անխուսափելի են, սակայն հավելեց, որ ոչ բոլոր բուժաշխատողներն են վարակվել աշխատավայրում՝ հիվանդների հետ շփումից:
«Հետաքրքիր ու զավեշտալի դեպքեր կան, երբ իրենց կենցաղային շրջանակներում են վարակվում: Երբ պարզվում է՝ մեկուսացումներ են տեղի ունենում։ Սա մեր հիմնական խնդիրներից մեկն է։ Մենք պետք է պաշտպանենք բուժաշխատողներին ապագայում նրանց կողմից ծառայությունների շարունակականությունն ապահովելու համար»,-ասաց նախարարը։
Թե քանի բուժաշխատող է այս պահին վարակված, նախարարը դժվարացավ հստակ թիվ հայտնել, բայց չբացառեց, որ այդ թիվը դեռ ավելանալու է։
Հիշեցնենք՝ Հայաստանում կորոնավիրուսով վարակված անձանց թիվն արդեն հասել է 663-ի` մեկ օրում ավելանալով 92-ով։ Երեկ հայտնի դարձավ, որ վարակվածներից մեկը մահացել է. սա մահվան արդեն չորրորդ դեպքն էր։
ՀՀ մարզերում էլ են մարզասրահները վերածվելու հոսպիտալների. Թորոսյանը` ՄՀՀ–ի մասին