ԵՐԵՎԱՆ, 2 ապրիլի – Sputnik. «Վարկս Էյ Էմ Լուծարվող ՈւՎԿ»–ի լուծարային հանձնաժողովը հայտնում է, որ ACRA վարկային պատմության զեկույցում չեն արտացոլվի այն հաճախորդների տվյալները, որոնց պարտավորությունները ժամկետանց են դարձել 2020–ի մարտի 15-31-ն ընկած ժամանակահատվածում։
«Միևնույն ժամանակ տեղեկացնում ենք, որ նշվածը չի ազատում վարկային պարտավորությունները մարելու պարտականությունից։ Հաշվի առնելով կորոնավիրուսի (COVID-19)-ի տարածման կանխարգելիչ միջոցառումները, մասնաճյուղերում հաճախորդների մեծ հոսքից և կուտակումներից խուսափելու համար, հորդորում ենք վճարումներն իրականացնել առցանց համակարգերի կամ վճարային տերմինալների միջոցով»,–նշված է հաղորդագրության մեջ։
«Վարկս Էյ Էմ Լուծարվող ՈւՎԿ» ՓԲ ընկերության մասնաճյուղերն աշխատում են ամեն օր՝ 09։00-20։00-ն։
Հիշեցնենք, որ ՀՀ կենտրոնական բանկի խորհրդի 2020 թվականի մարտի 24–ի որոշմամբ ուժը կորցրած է ճանաչվել «Վարկս Էյ ԷՄ» ՈՒՎԿ ՓԲԸ վարկային կազմակերպության լիցենզիան`ընդհանուր կապիտալի նվազագույն չափի պահանջը խախտելու համար:
Գործատուն պետք է աշխատած ժամերի դիմաց փոխհատուցի աշխատակցին. նոր նախագիծ է մշակվել