ԵՐԵՎԱՆ, 31 մարտի - Sputnik. Առաջիկա օրերին ՀՀ առողջապահական համակարգը համալրվելու է նոր սարքավորումներով, մասնավորապես, 100 շնչառական ապարատներով, 60 հազար թեստերով։ Այս մասին ասել է առողջապահության նախարար Արսեն Թորոսյանը` վարչապետ Նիկոլ Փաշինյանի գլխավորությամբ կառավարությունում կայացած ՀՀ կորոնավիրուսի տարածումը կանխարգելող աշխատանքները համակարգող հանձնաժողովի նիստ։
«Հայաստանը կհամալրվի նաև բժշկական այլ պարագաներով՝ դիմակներով, բժշկական հատուկ հագուստով, ակնոցներով»,–ասել է նախարարը։
Քննարկվել է նաև կորոնավիրուսի տարածումը կանխարգելելուն ուղղված քայլերը, համաճարակաբանական խնդրի կառավարելիությանը, տեղաշարժի և տնտեսական գործունեության սահմանափակումներին վերաբերող հարցեր:
Ամփոփելով քննարկումը` Փաշինյանը հանձնարարել է ներկայացնել համապատասխան որոշման նախագիծ՝ հաշվի առնելով քննարկման ընթացքում ներկայացված առաջարկություններն ու դիտարկումները:
Հայաստանում երեկվա վիճակագրությամբ՝ կորոնավիրուսով վարակվածների թիվը 482–ն է. այսօրվա տվյալները դեռևս չեն հրապարակվել։
«Եթե Հայաստանը դիմի, կօգնենք». դեսպանը` կորոնավիրուսի դեմ պայքարում ՌԴ աջակցության մասին
Մարտի 30–ի ժամը 10։00–ի տվյալներով` բուժվել է 30 մարդ, փաստացի բուժվողները 449–ն են, բացասական է եղել 2216 թեստի արդյունքները։ Մահացել է 3 մարդ։
Հիշեցնենք` Հայաստանում կորոնավիրուսով վարակվելու առաջին դեպքը գրանցվել է մարտի 1-ին: Վարակվածը 29-ամյա տղամարդ էր, որ Երևան էր ժամանել Իրանից, նա արդեն դուրս է գրվել հիվանդանոցից: