Ազգային ժողովում աշխատավարձերը բարձրանո՞ւմ են. «Ժողովուրդ»

Ազգային ժողովը մտադիր է ապագայում ավելի շատ պարգևատրումներ ու դրամական խրախուսումներ անել։
Sputnik

ԵՐԵՎԱՆ, 28 մարտի- Sputnik. Ազգային ժողովն առաջիկա տարիների ընթացքում 2020 թվականի համեմատ ավելացնելու է ծախսերը։ «Ժողովուրդ» թերթը գրում է, որ դա պարզ է դառնում 2021-2023 թվականների անելիքներն ու դրա համար պահանջվող ֆինանսներն ուսումնասիրելիս։

ԱԺ պատգամավորների մարտ ամսվա պարգևավճարները կուղղվեն ՀՀ-ում կորոնավիրուսի դեմ պայքարին

Էկոնոմիկայի նախարարը հայտնել է, թե ովքեր և ինչ սկզբունքով են որոշում պարգևավճարների չափը

Եթե 2020 թվականին այն կազմում է 3 մլրդ 53 մլն 557 հազար դրամ, ապա, ըստ թերթի, 2021, 2022 և 2023 թվականներին համապատասխանաբար կազմելու է 3 մլրդ 134 մլն 553 հազար, 3 մլրդ 155 մլն 20 հազար և 3 մլրդ 172 մլն 525 հազար դրամ։

«Ժողովուրդը» նշում է, որ Ազգային ժողովն աշխատավարձային ֆոնդի ավելացումը հիմնավորում է նրանով, որ միջին աշխատավարձի ավելացման արդյունքում բնականոն աճել է նաև պետական ծառայողների աշխատավարձը։

Սարգսյանն իր մեկ ամսվա աշխատավարձը փոխանցել է հատուկ հաշվեհամարին

«Սակայն միայն աշխատավարձը չէ, որ 2020 թվականի համեմատ հաջորդ երեք տարիներին ավելանալու է. խոսքը նաև պարգևատրումների, դրամական խրախուսումների մասին է»,- ավելացնում է թերթը:

Որպես օրինակ մեջբերում է արվում, որ 2020 թվականին նախատեսված է իրականացնել 787 մլն պարգևատրումներ և դրամական խրախուսումներ, իսկ հաջորդ տարիներին այդ թիվն ավելանալու է՝ 2023 թվականին հասնելով 817 մլն դրամի:

«Այնքան, որքան մյուսները, մի բան էլ պակաս». ինչքան պարգևավճար է ստացել նախարարը