ԵՐԵՎԱՆ, 26 մարտի - Sputnik. Ռուսաստանի Մագնիտոգորսկ քաղաքում պայթյուն է որոտացել։ Տեղեկությունը հայտնում է Baza տելեգրամ ալիքը:
Ռուսաստանը դադարեցնում է կանոնավոր ու չարտերային չվերթերն այլ երկրների հետ
Պայթյունը գրանցվել է Օրջոնիկիձեի շրջանի Դոմենշչիկների փողոցում գտնվող հինգհարկանի շենքում: Այրվում են մի քանի բնակարաններ։
Հայտնի է, որ երկու մարդ է մահացել։
Ինչպես հաղորդում է Magcity74–ը, պայթյունի օջախ դարձած բնակարանում ապրող ընտանիքում երկու երեխա կա։
«Պայթյունը որոտացել է 47-րդ բնակարանում։ Մեկ էլ տեսա` խոհանոցիս պատուհանները փլվում են, պատշգամբը... Մուտքի դուռը թռավ։ Տեսնեմ` հարևանի փոքրիկ տղան է կանգնած... Երևի երկու տարեկան է։ Այրվածքներ ուներ։ Նրան փաթաթեցի վերմակի մեջ։ Ոչ ոք չկար։ Տատիկը գնացել էր, ինքս եմ տեսել», - պատմել է հարևանուհին։
Կողոպտել ու առևանգել են մարդկանց. հրապարակվել է հանցավոր խմբի ձերբակալման տեսագրությունը