ԵՐԵՎԱՆ, 25 մարտի –Sputnik. ՌԴ կառավարության որոշման համաձայն՝ արտերկրում գտնվող և հայրենիք վերադառնալ ցանկացող ԱՊՀ անդամ պետությունների, այդ թվում ՀՀ քաղաքացիները կարող են օգտագործել ՌԴ տարածքը՝ որպես տարանցիկ երկիր։ Տեղեկությունը հրապարակել է ՀՀ արտաքին գործերի նախարարության Facebook-ի էջը:
«Միևնույն ժամանակ հայտնում ենք, որ Ռուսաստանից Հայաստան վերադառնալ ցանկացող ՀՀ քաղաքացիները կարող են օգտվել բացառապես օդային ճանապարհից՝ պայմանավորված Վրաստան տարածք օտարերկրացիների մուտքի արգելքով: Ուստի ևս մեկ անգամ կոչ ենք անում ՀՀ քաղաքացիներին չփորձել Ռուսաստանից Հայաստան վերադառնալ ցամաքային ճանապարհով»,-ասված է հայտարարության մեջ։
Նաև հորդորում են տարանցիկ երկրներով Հայաստան ժամանելուց առաջ նախապես ստուգել չվերթերի հասանելիությունը։
Կենտրոնական բանկի որոշմամբ` ուժը կորցրած է ճանաչել «Վարկս Էյ ԷՄ»–ի լիցենզիան
Հիշեցնենք, որ կորոնավիրուսի տարածման վտանգի պատճառով մարտի 16-ին Ռուսաստանն ու Վրաստանը ժամանակավորապես փակել են սահմանները քաղաքացիների տեղաշարժի համար։ Նույն պատճառով արգելվել է բոլոր օտարերկրացիների մուտքը Վրաստանի տարածք։
«Աերոֆլոտը» կրճատում է դեպի Հայաստան թռիչքների հաճախականությունը