ԵՐԵՎԱՆ, 25 մարտի – Sputnik. ՀՀ փոխվարչապետ Մհեր Գրիգորյանն այսօր Աժ-ում անդրադարձավ նավթի համաշխարհային շուկայում նավթի գներին ու դրանց հնարավոր ազդեցությանը Հայաստանին մատակարարվող գազի գնի վրա:
«Եթե մենք ունենանք լողացող սակագին, որը պայմանավորված կլինի բոլոր այդ միտումների ուղղակի ազդեցությամբ, կարող է մենք այսօր ունենայինք սահմանին գազի շատ լավ գին, բայց կարող է կես տարի հետո այդ գինը լրիվ այլ լիներ»,- ասաց փոխվարչապետը:
Գրիգորյանի խոսքով` համաշխարհային շուկայում նավթի գների շուրջ ստեղծված իրավիճակի պայմաններում անգամ Հայաստանին մատակարարվող ռուսական գազի գինը ներկա պահին դեռ համարվում է արտոնյալ:
«Հաշվի առնելով, թե ինչ կկատարվի մոտ ժամանակներում ու պրոցեսներն ինչպես կշարժվեն, գուցե և ժամանակն է, ո մենք մտածենք, որ գազի գինը սահմանին պետք է կապված լինի որոշակի բանաձևի հետ»,- ասաց Գրիգորյանը:
Նրա խոսքով` այսօրվա պայմանագրային բազան Հայաստանին հնարավորություն է տալիս պայմանագրում գազի գնի հաշվարկման նման բանաձև կիրառելու: Բայց խնդիրն այն է, թե որքանով դա նպաստավոր կլինի ՀՀ-ի համար:
Ովքե՞ր կարող են աշխատել ՀՀ–ում. սահմանափակումների ու բացառությունների ցանկը հրապարակվեց
Հիշեցնենք` 2019թ.–ի վերջին տեղեկություն կար, որ «Գազպրոմ էքսպորտ» ՍՊԸ-ն և «Գազպրոմ Արմենիա» ՓԲԸ-ն ռուսական գազի մատակարարման լրացուցիչ համաձայնագիր են ստորագրել, ըստ որի՝ 2020թ. Հայաստանին վաճառվող գազի գինը չի փոփոխվի և կմնա 2019թ. մակարդակին:
Այս պահին գազի սակագինը ՀՀ սահմանին 1000 խմ գազի դիմաց 165 դոլար է։
Հայաստանն ապահովված է սննդով, բայց գներն աճում են. վարչապետն առաջարկեց վերահսկել